Запленети 5 килограми златен накит на граничниот премин Блаце

Од:

Во текот на вчерашниот ден на граничен премин Блаце, во патничко моторно возило пријавено за излез од државата, мобилните тимови од Одделението за оперативни работи при Царинска управа, спречија обид за криумчарење на 5 килограми златен накит, информираат од Царинска управа.

dobivaj vesti na viber

– Имено, на 8 февруари 2022 година, на излез од државата, на граничниот премин Блаце, во попладневните часови за царинска контрола се пријавило патничко моторно возило со српски регистарски ознаки управувано од македонски државјанин. При вршење на детална контрола, од страна на мобилните тимови, биле забележани неправилности во пределот помеѓу двете предни седишта, односно шуплината над ауспухот била затворена. Во внатрешноста на возилото, во пределот помеѓу двете предни седишта, пронајден бил отворот на специјално изработениот бункер, во кој се наоѓале 10 пакети со златен накит во вредност од 9.604.430 денари и вкупна тежина од 5097,59 грама, соопшти Царинска управа.

Златниот накит и патничкото моторно возило се привремено одземени, а пријавеното лице заедно со целокупната документација е предадено на Одделението за истраги во Сектор за контрола и истраги за понатамошно постапување, по што ќе биде поднесена соодветна кривична пријава.

Би можело да ве интересира

Албанија ги укина дел од царинските давачки за Македонија, Косово и Србија

Српските цариници на границата со Македонија запленија над 100.000 евра

А1он

Пронајдени и одземени прехранбени производи без декларација

А1он

Царина: Наплатени приходи од 103,47 милијарди денари во 2021 година

А1он

Притвор за полицајците и цариниците кои беа уапсени за шверц на дрога

А1он

Со измени на Законот за Царинската тарифа до поголема конкурентност на економијата

Ана Ололовска