Непознати лица во јануари и февруари запалиле вкупно 40 контејнери на ЈП „Комунална хигиена“-Скопје.
Од Јавното претрпријатие велат дека контејнерите се целосно уништени, а покрај финансиската штета што му е нанесена на претпријатието, овие инциденти доведуваат до големи проблеми при одлагањето и собирањето на комуналниот отпад во градот.
„Апелираме да престане уништувањето на опремата на ЈП „Комунална хигиена“-Скопје, за нашите екипи да можат навремено да ги извршуваат своите работни обврски, согласно Оперативната програма за работа“, порачуваат од „Комунална хигиена“.
Сите случаи на опожарување на контејнерите се пријавени до надлежните органи и ќе бидат преземени соодветни мерки за да се пронајдат и санкционираат сторителите.