Заменик-министерот за одбрана на Република Македонија, Беким Максути, денеска ќе престојува во официјална посета на Косово.
Како што соопшти Министерството за одбрана, Максути во Приштина ќе оствари средби со министерот на Косовските безбедносни сили, Хаки Демоли, заменик-министерот Мухамет Латифи, генералниот секретар во Министерството, Шкелзен Сиљај, како и со командантот на Косовските безбедносни сили, генерал-полковник Рахман Рама.
Заменик-министерот ќе го посети и Центарот за универзитетски студии во касарната „Адем Јашари“ во косовскиот главен град.