Собраниската Комисија за труд и социјална политика денеска ја прекина работата по законот за бранителите, откако Веле Георгиевски од ВМРО-ДПМНЕ информираше дека неговата пратеничка група го повлекла законот.
Истовремено тој соопшти дека во процедура е постапка за поднесување на истиот закон по скратена постапка од членовите на Комисијата за труд и социјална политика од ВМРО-ДПМНЕ.
Во изјава по седницата, Георгиевски рече дека истовремено кога законот бил повлечен истиот бил поднесен и во скратена постапка и оти до крајот на денов или најверојатно до утре потписи за поднесување на текстот по скратена постапка ќе стават сите 46 пратеници од ВМРО-ДПМНЕ.
„ВМРО-ДПМНЕ е сериозна политичка партија. Она што го ветува тоа и го остварува“, рече Георгиевски.
На почетокот на седницата на Комисијата за труд и социјална политика на која ќе се разгледува законот по скратена постапка, Георгиевски најави дека ќе побара ограничување на обраќањата на неговите колеги што деловнички е дозволено. Така, рече дека 10 минути би траел говор на пратеник, три минути реплика и една минута контрареплика. Дополнително ќе побараме секој дискутант да се обрати само еднаш, рече тој.
– Дециден е дека законот за бранителите не е антилбански бидејќи во конфликтот во 2001 учествувале Македонци и Албанци, Турци, Срби, Бишњаци…, а меѓу загинатите имало и Албанци, рече Георгиевски.
Извршниот комитет на ВМРО-ДПМНЕ вчера препорача нејзината пратеничка група да го повлече законот за бранителите и да го поднесе истиот по скратена постапка и притоа да се ограничи можноста за дискусии се со цел да не се блокира донесувањето на законот.