По празничниот состанок на директорите во училиштето Јосип Броз Тито со еден претседател на општинска организација на ВМРО-ДПМНЕ, почнаа да се спроведуваат директивите за да се спречи приклучување на средношколците на протестот.
Средношколците алармираат дека уште вечерва им се закануваат да не одат на протестот на студентите, дека ќе им се намалат оценките, ќе се соочат со намалено поведение. Класни раководители се јавувале телефонски по ученици и се заканувале дека ќе паднат на матура . Најсигурно е дека една од наредбите е да се заклучат влезните врати на училипштата за да не можат учениците да се приклучат на стдентскиот марш.
А1он вчера објави една снимка од пред почетокот на средбата на директорите каде ги добија овие насоки. Снимката беше од еден читател.
„Снимав од далеку, за да има некаков доказ за тоа како во нашата држава, преку директорите, се убива слободната мисла кај учениците. Не свикаа за да ни одржат лекции и да ни дадат задачи како да постапуваме по повод Студенсткиот марш. Треба да направиме се, што помалку ученици да се приклучат на студентите. Многумина од нас се засрамени од ова, но сите молчат од страв. А дека се работи за партиски состанок, докажува и присуството на еден претседател на општинската партиска организација. Ова би требало се да ни каже, каков беше овој собир“, ни напиша еден од присутните.
Претседателката на општинската организација се гледа на снимката како доаѓа на состанокот со директорите на училиштата.