Загинатите кај Крушево се од едно семејство – мајка и дете починаа, таткото и две деца повредени

Од:

33 годишна мајка и нејзиното малолетно дете загинаа во сообраќајна несреќа која вчера се случи на патот Крушево- Кривогаштани.

Во автомобилот „алфа ромео“ со прилепски регистарски ознаки било цело семејство од прилепското село Канатларци, мајката, таткото и три малолетни деца.

Од засега непознати причини автомобилот излетал од патот.

Мајката, 33 годишна била пренесена во болницата во Прилеп, но им подлегнала на повредите.

Малолетното дете било итно препратено за Скопје, но починало по пат.

Таткото и другите две деца имаат тешки телесни повреди.

Во официјалното соопштение од МВР се вели дека несреќата се случила во 17 часот.

„На 02.08.2023 во 17.00 часот било пријавено дека на регионалниот пат Крушево-Кривогаштани, на место викано „Студена вода“, патничко возило „алфа ромео“ со прилепски регистарски ознаки, управувано од С.С.(35) од с.Канатларци, прилепско, излетало надвор од коловозот. По несреќата во Општата болница Прилеп биле пренесени сопатниците Џ.С.(33) од с.Канатларци, која во болницата им подлегнала на повредите, и малолетен сопатник кој бил препратен во Комплекс клиники „Мајка Тереза“, но при транспортот починал, а смрт констатирал лекар. Додека со тешки телесни повреди се здобил возачот и уште двајца малолетни сопатници. Извршен бил увид од увидна екипа од ОВР Крушево.“ се вели во соопштението од МВР

Би можело да ве интересира

Тројца загинати, повеќе повредени во страотна несреќа на патот Кичево-Гостивар

Катерина Ѓуровски

Тешка несреќа на патот Кичево-Гостивар, сообраќајот е во целосен прекин

Маск и понуди милиони долари на инфлуенсерката Сент Клер за да го прикрие раѓањето на нивниот син

Горан Наумовски

Лажна адвокатка украла 13 илјади евра од брачен пар, ги излажала дека ќе купат стан кој бил на лицитација

Украдена спомен плоча од паркот „Жена борец“ и бронзени бисти од гробиштата во Бутел

Катерина Ѓуровски

Две девојчиња, на возраст од 10 и 15 години се пријавени за исчезнати