Синоќа во сообраќајката во Врање загина македонски државјанин роден 1998 година во Скопје. Српските власти и официјално соопштија денеска за несреќата која се случи на Златкоп кај Врање.
Во автомобилот имало неколку лица, но само едно починало на лице место, неофицијално потврдиија извори од истрагата.
Исто така, неофицијално се зборува дека го пропуштиле патот за Македонија и се упатиле кон Златокоп, но потоа се сетиле дека во ресторанот во центарот на градот, каде што претходно престојувале, го заборавиле мобилниот телефон и се упатиле назад, по што дошло до несреќата, известуваат српските медиуми.
Автомобилот од непозната причина излетал од патот и удрил во насипот. Синоќа имаше потврда само дека еден државјанин на Македонија го изгубил животот, а патот беше блокиран поради вршењето на увид од страна на полицијата.