Вчера попладне, во 16 часот било пријавено дека на локалниот пат пред влезот во село Калањево се случила сообраќајна несреќа помеѓу трактор „фергусон имт 539“ со велешки регистарски ознаки, управуван од 79-годишниот С.А. од село Криволак-неготинско и патничко моторно возило „сузуки“ со неготински регистарски ознаки, управувано од 55-годишниот Д.Ѓ. од Неготино, извести МВР.
– Во несреќата на местото на настанот починал С.А., а смрт била констатирана од страна на лекар од Итната медицинска помош, соопшти МВР.
Со телесни повреди се здобил возачот од патничкото моторно возило. Извршен бил увид од Јавен обвинител и увидна екипа од Полициската станица Неготино.