67-годишен охриѓанец загина во сообраќајна несреќа со мопед на улицата „15 Корпус“ во Охрид, соопшти СВР Охрид.
Несреќата се случила вчера околу 11:30 часот. Според информациите од полицијата, И.Б. (67) од Охрид, кој управувал мопед со охридски регистарски ознаки, изгубил контрола над возилото и паднал на коловозот.
Од здобиените повреди тој починал на местото на несреќата. Лекар од Итната медицинска помош констатирал смрт.
По наредба на јавен обвинител, телото на починатиот е предадено на обдукција. На местото бил извршен увид од јавен обвинител и увидна екипа на СВР Охрид.
