32-годишен маж од Вранештица е затекнат без знаци на живот во атарот на кичевското село, информира Министерството за внатрешни работи.
– На 28.07.2021 година во ОВР Кичево од Итната медицинска помош во Кичево е добиено известување за повредено лице во атарот на кичевското село Вранештица и дека по нивното пристигнување, без знаци на живот бил затекнат З.М.(32) од истото село, соопшти МВР.
По наредба на Јавен обвинител извршен е увид при што било констатирано дека З.М., спуштајќи се по шумска патека со трактор натоварен со огревно дрво, изгубил контрола и излетал од патеката.