Едно лице загина, а друго е тешко повредено во несреќа во Неготино. Вчера околу 12.00 часот во Полициската станица Неготино било пријавено дека товарно возило „ман”, со кумановски регистарски ознаки, сопственост на фирма од Куманово, а управувано од 21-годишниот П.М. од село Сопот, кавадаречко, додека вршело ископ во водите на реката Вардар, во атар на село Црвени Брегови, паднало во реката.
П.М. починал на местото на настанот, а совозачот, 19-годишниот Д.Е. од село.Марена се здобил со телесни повреди, констатирани во болницата во Неготино.
Бил извршен увид на местото, а по наредба на Јавен обвинител телото на починатиот било дадено на обдукција, информира МВР.