Зафировски разрешен од Антикорупциска

Од:

Во рамки на 52. седница Собранието на Република Македонија попладнево го разреши Воислав Зафировски од Државната комисија за спречување на корупцијата, по иницијатива на комисијата.

Во иницијативата се наведува дека Зафировски, во периодот кога бил претседател на Антикорупциска, ги пречекорил границите на служебното овластување со што се создале услови за негова лична одговорност.

За оставките на Благоја Гешоски и Јанаќе Витановски, членови на Комисијата за верификација на факти, не се гласаше бидејќи во салата не беа присутни две третини од пратениците.
Пратениците ги ратификуваа Договорот за економска и техничка соработка во областа на инфраструктурата помеќу Владата на Република Македонија и Владата на НР Кина, Амандманот на Статутот на Меѓународната финансиска корпорација и Договорот меѓу Република Македонија и Република Србија за правна помош во граѓански и кривични предмети.

Претходно, беа разрешени и именувани нови претседател и членови на Одборот за доделување на државната награда „23 Октомври“ и избраа член на Државниот совет за превенција на малолетничко престапништво.

Собранието ги донесе законите за изменување и дополнување на Законот за заштита на природата, на Законот за хартии од вредност, на Законот за странците, на Законот за матичната евиденција и на Законот за постапување по претставки и предлози.

Пратениците го донесоа и Законот за продажба и давање под закуп на деловните згради и деловните простории на Република Македонија, измените и дополнувањата на Законот за превоз на опасни материи во патниот и железничкиот сообраќај и Дополнетиот предлог на законот за автокамповите. Изгласани се и измените и дополнувањата на Законот за агенциите за привремени вработувања, на Законот за работните односи и Дополнетиот предлог на закон за изменување и дополнување на Законот за задолжително капитално финансирано пензиско осигурување.

Би можело да ве интересира

Изгласан новиот состав на антикорупциска

Во Собрание избор на новиот состав на ДКСК

Катерина Ѓуровски

Агенција за филм: ДКСК конструира невистина наместо да се занимава со спречување корупција

Кривична одговорност за директорот на Агенцијата за филм и за неколку градоначалници на Радовиш бара Антикорупциска

Катерина Ѓуровски

Професори од УКИМ бараат пријавата против ректорката Ангелова да биде приоритет за Антикорупциска

Катерина Ѓуровски

Чулев: Употребата на полицискиот хеликоптер за политички цели е класична злоупотреба, ДКСК да го истражи случајот