Заев за „Јуроњуз“ на грчки јазик: Неотпочнувањето пристапни преговори со ЕУ влијае на договорот за името

Од:

Одредени членови од Договорот од Преспа се поврзани со отворањето на поглавјата во процесот на пристапни преговори на Северна Македонија со ЕУ, изјави премиерот Зоран Заев во интервју за „Јуроњуз“ на грчки јазик.

Заев објаснува дека позитивниот одговор од Унијата за почеток на преговорите ќе значеше мотивација за Северна Македонија и Албанија да продолжат по вистинскиот пат.

– Постои поврзаност меѓу спроведувањето на договорот и отворањето и затворањето на поглавјата за интеграција. Особено за внатрешна употреба за некои случаи. Постои поврзаност, бидејќи нашите пријатели Грците прифатија дека можеме да го сториме тоа поради иднината што Северна Македонија ја има во Европската Унија. И во овој контекст, не постои можност за имплементација на Договорот од Преспа, вели Заев.

„Одредени поглавја ќе бидат замрзнати затоа што тие не можат да се спроведат. Ние ќе се обидеме да ги спроведеме, но тие две работи се поврзани едни со други “, вели Заев нагласувајќи дека спорните поглавја главно се однесуваат на домашната употреба на новото име на земјата.

Премиерот во интервјуто истакнува дека за земјава не постои друга алтернатива освен ЕУ и дека европската перспектива е единствениот пат.

– Ако светлата од ѕвездите на знамето на Европската Унија се изгасат тогаш ќе падне мрак. А во мрак ќе се изгубиме. Затоа што, доколку има позитивен терен за радикализација, за враќање на национализмот, тоа ќе предизвика голема штета на целиот Балкан. И кога Балканот има проблем, тогаш Европа ќе има проблем, истакнува премиерот во интервјуто за „Јуроњуз“ на грчки јазик.

Интервјуто на премиерот Заев предизвика низа реакции во грчките медиуми.

Би можело да ве интересира

Ахмети: Александар Дугин, главата на руските политики има партија во Македонија

Нови промени за сообраќајните казни во ЕУ: Никој веќе нема да може да ги избегне

ЕУ постигна привремена спогодба за нови правила за трговија со огнено оружје

СДСМ: ЕУ е единствен патоказ за подобра македонска иднина

А1он

Герапетритис: Потребно е доследно, строго и целосно почитување на Договорот од Преспа

Орце Костов

Европската Комисија ќе обезбеди општи рамковни услови за почеток на преговорите со Украина за пристапување во ЕУ