Зоран Заев градоначалникот на Струмица посочува дека поденесените приговори од ВМРО-ДПМНЕ се банални забелешки и приговори измислени постфестум од како е завршено броењето по налог на партискиот штаб и доставен кон нивните набљудувачи.
„Тие требаа да измислат забелешки за да можат тоа да се преточи во приговор. Според мои сознанија илјадници вакви забелешки има низ цела Македонија и не очекувам да има повторување на гласањето во тие три гласачки места. Но и да се случи евентуално повторување на гласањето тоа теоретски не може да ја промени разликата во победата ниту пак доволниот број на гласови за постигање на цензусот за победа во прв круг“, вели Заев за А1Он.
Заев се надева дека надлежните ограни ДИК и Управен суд ќе ги одбијат приговорите.
„Со тоа ќе се заврши траумата која е наметната над струмичани повеќе од месец ипол дена“, вели Заев.
Катерина Цаневска- Арсовска