Лидерот на СДСМ Зоран Заев денеска во 14 часот ќе му го достави на претседателот Ѓорге Иванов доказот за обезбедно парламентарно мнозинство за формирање влада.
Со потписите од пратениците на ДУИ, Движењето БЕСА и Алијансата за Албанците, Заев има вкупно 67 потписи со што го исполнува барањето да поднесе над 61 потпис за Иванов да му го даде мандатот.
Албанските партии претходно рекоа дека потписите значат поддршка за добивање на мандат и дека тие ќе продолжат со преговорите со СДСМ, по што ќе одлучат дали ќе учествуваат во новата Влада. Од ДУИ рекоа дека се чека Заев официјално да стане мандатар, па потоа ќе го кажат својот став, дали ќе бидат дел од Владата или ќе поддржат малцинска Влада.