Заев: ВМРО-ДПМНЕ секојдневно си ја губи душата

Од:

Зоран Заев, градоначалникот на Струмица реагира на, како што вели, лагите за „Киро Ќучук’, пласирани од ВМРО-ДПМНЕ.

Дрско и безобразно е, вели, да се однесе една фабрика во стечај во време кога на власт е ВМРО ДПМНЕ, а при тоа да се обвинува некој социјалдемократ, или Заев, или СДСМ како партија.

Заеви, посочува, секој месец даваат 820 плати, тоа се огромни средства кои што се даваат на луѓе кои чесно и поштено ја работат својата работа, се што имаат купено, изградено и направено е во функција на давање на плати и плаќање даноци.

„Со купувањето на акциите од 24,8 проценти, ние изгубивме огромни пари за да некој од власта си ги лечи своите хирови. Апсолутно „Еленица“ Струмица е веќе уништена фабрика благодарение на власта, како што се уништени повеќе од 90 проценти од фабриките во Македонија. Се во нашето општество тоне, се пропаѓа, исклучиво заради ваквото владеење на Груевски и ВМРО ДПМНЕ“, вели Заев.

Прашува зошто е затворена и фабриката во Неготино, зошто не функционираат и другите циглани во Македонија, и „Еленица“ е пред пропаѓање, апсолутно благодарение на власта.

„Но, уште еднаш велам, тоа што се уништува се материјални добра, но тие од власта секојдневно ја губат душата и затоа секако ќе се сноси одговорност и пред граѓаните, но најважано од се, и пред бога.Не го потценувајте сопствениот народ и престанете да манипулирате со него. Поради огромната желба да ги уништите Заеви, Вие го однесовте „Киро Ќучук“ во стечај и им го скративте правото на 700 луѓе да работат и да обезбедуваат егзистенција за своите семејства“, стои во реакцијата на Зоран Заев.

Би можело да ве интересира

ВМРО-ДПМНЕ: Поддршката на СДС и ДУИ за Коцевски ги фрла во вода сите нивни прес-конференции за Кочани

ВМРО-ДПМНЕ: Апасиев да каже колку пари зел од своите тогашни шефови, денес главни фигури во обвинителството?

Шукова: Верувам дека културата не е трошок, туку инвестиција во иднината на еден град

Требаше да биде кандидат на СДСМ, а му се приклучи на тимот на Ѓорѓиевски во трката на Скопје

СДСМ бара Сиљановска да не го потпишува Указот за Законите за полиција и МВР

ВМРО-ДПМНЕ: За ситни политички поени, СДС ја стави Македонија во пламен

Горан Наумовски