Заев: Визијата на Делчев станува мост кој нѐ поврзува со другите народи за обединета Европа

Од:

Визијата на Гоце Делчев станува мост кој нѐ поврзува со другите народи во заедничките напори за обединета Европа, напиша лидерот на СДСМ Зоран Заев на својот Фејсбук профил по повод 148 години од раѓањето на Делчев.

-Денес, на 4 февруари, на денот на раѓањето на Гоце Делчев, се сеќаваме и величаме еден од најмаркантните херои на македонската државност. Делчев со својата посветена борба и револуционерна активност ги отелотвори идеалите на слободата и социјалната правда, кои денес се длабоко вкоренети во нашата државнотворна традиција. Неговата визија денес станува мост кој нѐ поврзува со другите народи во заедничките напори за обединета Европа, напиша Заев.

Убеден сум, наведува Заев, дека Делчев и револуционерите од тој период се горди на нашето денешно остварување кога ја направивме нашата земја членка на НАТО и кога сме на чекор до поканата за старт на преговори со Европската Унија.

-Во име на разбирањето и соработката меѓу народите, Гоце Делчев нѐ поврзува и во чест на таа идеја денеска се поклонуваме на гробот на великанот во црквата „Свети Спас“, напиша Заев на Фејсбук.

Би можело да ве интересира

Заев: Чулев дозволи непочитување на мерките и го загрози здравјето на граѓаните

Кристијан Ландов

Заев: Избори мора да има час поскоро, гласање ќе се одржи согласно безбедносните протоколи

Ана Ололовска

(ВИДЕО) Заев: Нашата татковина има потреба од избори

Ана Ололовска

Заев: Нова лидерска средба може да се одржи најдоцна до крајот на мај

А1он

Синот на Зоран Верушевски ја снимал објавената снимка од разговрот со Заев

Кристијан Ландов

(ВИДЕО) Заев: Ако нема договор, законските рокови ќе стапат на сила, избори ќе има на 21 јуни

Ана Ололовска