Претседателот на СДСМ Зоран Заев, по повод големиот христијански празник Велигден, упати честитка до Поглаварот на МПЦ г.г. Стефан и до сите православни верници во Република Македонија.
„Дозволете ми во мое лично име и во името на СДСМ, вам, на членовите на Синодот, на вашето ценето свештенство и монаштво, на сите православни верници во Република Македонија, да Ви упатам срдечни честитки по повод големиот христијански празник Воскресение Христово Велигден. Со честитките за празников, им посакувам на сите добро здравје, духовен мир и општа благосостојба. Овој празник нè потсетува на потребата за задржувањето на нашите општествени вредности, како меѓуверски дијалог, промоција на мултикултурната и мултиконфесионална соработка, кои треба да останат наш приоритет.
Да не заборавиме дека обврска на сите политички, граѓански и верски ентитети е да ја продолжиме посветеноста и негувањето на овие вредности, кои се основа на македонското општество. На сите православни верници во Република Македонија, им посакувам Велигденските празници да ги поминат во добро празнично расположение и во кругот на најблиските“ – порача Заев во честитката.