По драмата, кавгите и обвинувањата Државната Изборна Комисија одлучи да се прифатат приговорите на ВМРО-ДПМНЕ и да се прегласува на три избирачки места во Струмица.
Зоран Заев, за А1он, вели дека ова е невидена дрскост.
„Слушна и виде цела Македонија, но слушна и виде цела Струмица што се случуваше во ДИК. Поголема дрскост немало, на кукавички и вулгарен начин сакаат да го намалат цензусот од првиот круг, а за победа не ни размислуваат. Струмицо моја, тоа е понижување и газење на твоето достоинство. Убеден сум дека со ова прегласување само ќе ја зголемиме победата“, вели Заев.
Се работи за избирачките места 1727, 1730 и 1734, а вкупниот број на гласачи во овие три места е 3.255, од кои на локалните избори во неделата излегле да гласат 2.553 граѓани.
За ваквата одлука во Државната Комисија гласаа тројцата претставници од ВМРО-ДПМНЕ и Бедредин Ибрахими од ДПА.
Катерина Цаневска Арсовска