Заев се сретна со турската амбасадорка Кара: Македонија и Турција го продлабочуваат пријателството

Од:

Претседателот на Владата на Република Македонија, Зоран Заев, денеска се сретна со амбасадорката на Република Турција во Македонија, Еркал Кара.

Амбасадорката Кара изрази благодарност за можноста за оваа средба и му честиташе на премиерот Заев за успешно спроведените избори и за победата на владината коалиција која ја оцени како израз на поддршката на актуелните политики на Владата на Република Македонија.

Премиерот Заев и амбасадорката Еркал Кара разговараа на повеќе теми од интерес на двете земји. Посебно внимание посветија на соработката на планот на безбедносните политики, како и на поддршката за претстојните активности на Република Македонија во однос на евро-атлантските аспирации.

На средбата заеднички е поздравено длабокото пријателството меѓу Македонија и Турција и е изразена определеност за унапредување на соработката на економски план, како и во сите други области од интерес на граѓаните на двете држави.

Претседателот на Владата на Република Македонија и амбасадорката на Турција во нашата земја разговараа и за интензивирање на постапката за организирање на официјална посета на делегација на Владата на РМ на Турција, како и за посета на турскиот претседател Реџеп Таип Ердоган на нашата земја.

Би можело да ве интересира

Од затвор се огласи курдскиот лидер Абдула Оџалан: Соборци, предајте го оружјето

Масовни апсења на опозициски градоначалници во Турција

Постигнат е договор: Курдите го предаваат оружјето

ВИДЕО: Турција уште се бори со големиот пожар во Измир, евакуирани цели населби

Катерина Ѓуровски

(ВИДЕО) Се запали хотел во Анталија, гостите итно се евакуирани

ВМРО-ДПМНЕ: СДС и Филипче му возвраќаат на Заев, неговите деца во партијата станаа кандидати за градоначалници