Претседателот на Владата на Република Македонија Зоран Заев, денеска оствари средба со Независниот синдикат на професионалните војници.
На средбата претставниците на синдикатот го информираа премиерот Заев за нивните ставови во врска со стандардот на вработените професионалци во Армијата на Република Македонија и побараа поддршка од владата за подобрување на социјалниот статус на професионалните војници.
На средбата беше разговарано и за законската обврска, според која државата е обврзана да обезбеди вработување на професионалните војници на неопределено време во други државни органи, по навршената 45 годишна возраст.
Премиерот Заев ги информираше претставниците на Независниот синдикат на професионалните војници дека Владата на Република Македонија ќе посвети соодветно внимание на нивните укажувања и дека постои добра волја да се најдат соодветни решенија.
