„Опозицијата е единствена“, вака лидерот на СДСМ, Зоран Заев ги коментира написите на некои медиуми блиски до власта дека десет опозициски пратеници ќе седнат во собраниските клупи.
„Се работи за оркестрирана шпекулација и дезинформација. Опозицијата е единствена. Јас имав средба со сите претседатели на опозициската коалиција“, изјави Заев за А1он.
Од СДСМ посочуваат дека текстовите се пишувани од центарот за комуникации на ВМРО-ДПМНЕ, кој проблемите ги бара еднаш во една, друг пат во друга опозициска партија.
Велат дека најавите за внатрешно разединување во партијата се само нечија желба и дезинформација.
