Очекуваме да постигнеме договор за преговорите денес или утре ако даде Господ, изјави лидерот на СДСМ Зоран Заев по средбата со тројцата европратеници.
Како што рече тој, има сериозни приближувања на преговарачката маса, дека е постигната согласност за изборниот законик и за анкетната комисија, а деновиве очекува да се постигне согласност за останатите отворени прашања.
Заев изјави дека деновиве се преговара за законот за бомбите и свиркачите а во пакет со тоа и законот за владата, кој треба да го регулира прашањето за министри и заменици предложени од опозицијата.
По средбата со европратениците Заев изјави дека не постои друго решение за политичката криза во земјата освен целосно спроведување на договорот постигнат во Пржино.
-Социјалистите и демократите во институциите на Европската унија се вклучени во напорите на меѓнародната заедница да се најде решен за политичката криза што ја предизвика власта во заминување. Кај нашите пријатели и искрени поддржувачи постои сериозна загриженост во прекршување на роковите предвидени со договорот – изјави тој.
Маја Васева