Лидерот на СДСМ, Зоран Заев, на својот ФБ профил напиша реакција на соопштението на МВР.
„МВР-ВМРО испрати писмена реакција на денешната прес конференција на СДСМ. Ги прашувамe каква е таа донација дадена во кеш пари и дали е дозволено донација во кеш пари? За телефонските разговори нели велевте дека се креирани, монтирани, лепени и прелепувани. Тоа почитувани е исто кога Никола Груевски се бори за што е можно поголем процент, за ’да ја заштеди државата’ а притоа го прашува Миле Јанакиевски ’А да не е многу 5%’. Господа од власта не можете повеќе да си играте со интелигенцијата на народот!“, напиша Заев.
ХХ: Се сретнавме со директорот, и состанокот беше многу добар, како и секогаш. И работите стојат вака: ние сега ја променивме банката, на друго место, друга банка.
СК: Во Македонија?
ХХ: Не, не. Во Будимпешта.
СК: Во Будимпешта, во ред.
ХХ: затоа што беше многу, многу, многу бавно и тоа е проблем.
СК: Мхм.
ХХ: И директорот ни даде детали од друга банкарска сметка на која ќе ги уплатиме парите. Но, во понеделник компанијата конечно ќе го плати остатокот од парите за авансот
СК: Во ред.
ХХ: Бидејќи тие ги добија парите од Будимпешта, мислам дека вчера или денес, така некако. И тие ќе го направат тоа во понеделник. Ние ги разгледавме бројките и слично, нема никакви проблеми и тоа е тоа. Јас ќе останам во конаткт со Вас, затоа што е многу важно за мене и за проектот Вие да бидете запознаени со нови информации.