Премиерот на Македонија, Зоран Заев пред седиштето на неговата партија се обрати до насобраните граѓани и апелираше новите министри од неговиот владин кабинет да внимаваат што ќе прават, затоа што ќе има оставки.
– Леле, леле што направивме. По долгогодишната борба, срушивме режим со пенкало и глас. На сите оние кои протестираа низ градовите сите овие години им симнувам капа, им се поклонувам на моите сограѓани. Ние сме вашиот репрезент, не може секој да биде премиер, еве јас ја добив честа но во ваше име и во ваша сметка. Животот ќе го оставам за да ја видам среќата кај вас и сите граѓани. Чуму беше борбата ако благодетот не го чувствуваат сите. Доста беа делби и поделби, ние сме различни од оние кои досега ја водеа Македонија, рече Заев.
Тој истакна дека доаѓа живот во Македонија и им порача на граѓаните да си подадат рака бидејќи е доста од поделби.
