Заев – Куик: Нашето економско партнерство и проекти во областа на меѓусебно поврзување ќе создадат бенефити, особено за младите

Од:

Безрезервна поддршка за засилување на економското партнерство со цел да се создадат услови за отворање нови работни места, особено за младата генерација, како и волја, плодовите од изразеното искрено пријателство од двете страни да биде искористено за зближување на двата народа, за заеднички раст и развој, како пример за соработка на две соседни земји во целиот регион.

Ова беше истакнато на денешната средба на премиерот Зоран Заев со заменик-министерот за надворешни работи на Грција, задолжен за грчката дијаспора Теренс Николаос Куик, кој е во дводневна работна посета на нашата земја, соопштија од владината прес-служба.

На средбата, на која премиерот Заев беше придружуван од министерот задолжен за дијаспората Едмонд Адеми и заменик-министерот за надворешни работи Андреј Жерновски, а која помина во пријателска и срдечна атмосфера, беше изразено задоволство од позитивниот развој на односите меѓу двете соседни земји, по потпишувањето на Преспанскиот договор, со што, како што беше нагласено од двете страни, се отвори перспективна иднина за граѓаните и идните генерации и во Грција и во Северна Македонија.

-Со мојот пријател, грчкиот премиер Алексис Ципрас, покажавме дека пред нас, стојат отворени можности за соработка и дека заедничките интереси можеме да ги искористиме за позитивна соработка, да ги надоместиме изгубените години.

Со нашата заедничка политичка волја покажуваме и веќе чувствуваме дека е возможна одлична економска и трговска соработка меѓу нашите пријателски земји, како и соработка во областа на туризмот, образованието, културата и спортот, рече премиерот Заев.

Исто така, на средбата беше потенцирана и важноста на Акцискиот план, кој беше потпишан од страна на премиерите Заев и Ципрас, при неодамнешната посета на делегацијата на грчката Влада на нашата земја, со кој се регулираат сите активности кои опфаќаат договори за унапредување на заедничката соработка во одбраната, енергетиката, транспортот, земјоделството, здравството, како и асистенција на Грција во процесот на нашето зачленување во Европската Унија, се наведува во соопштението.

Би можело да ве интересира

(ИНТЕРВЈУ) Мирослав Лабудовиќ: Целосна реконструкција на улиците во Центар за ослободување на просторот од хаосот

Предраг Петровиќ

Грчкиот парламент денес гласа за воведување на 13-часовен работен ден

Горан Наумовски

(ИНТЕРВЈУ) Каја Шукова за визијата за Скопје: 72 часа се мит, 2028 е реалност

Мицкоски: Едно од главните ветувања минатата кампања беше ДУИ во опозиција и ако продолжат вака нереформирани уште долго ќе останат таму

Михајловски: Очекуваме поголем број на советници кои ќе го направат Штип подобро место за живеење

Свеќаровска: Градот не се улиците и зградите, градот сме ние, луѓето