Народот ќе види кое зло управува со Република Македонија овие 8 години, ќе ги извадиме и ќе ги покажеме сите криминали на оваа ненародна власт, рече вечерва на митингот во Капиштец лидерот на СДСМ Зоран Заев.
Два дена го повикувам Никола Груевски да признае кој притвораше луѓе на царини, на патарини, кој затвора дуќани, новинари, кој сее страв во државата.
„Тој ја предводи криминалната банда која владее во Република Македонија. Го повикувам Груевски да признае дека избегнал да плати данок на добивка, дека земал кеш од 1,5 милиони евра, утре ќе види и ќе чуе. Криминалецот е фатен, тоа е Никола Груевски“, рече Заев.
И Македонците и сите припадници на етничките заедници велат дека има соживот, но нема живот.
„Ова е борба на македоснкиот народ и на сите граѓани. Македонија е света земја, а да се бориш за Македонија е света работа“, рече Заев и ги повика од слободен Центар сите граѓани да го дадат својот глас листата на опозицијата и за кандидатот за претседател Стево Пендаровски.