„Општина Центар и меѓународната невладина организација „Специјална олимпијада“ започнаа реализација на проект со кој лицата со посебни потреби, кои учат во основните училишта на територијата на општината ќе имаат можност за посебни спортски активности, надвор од наставата.
Активностите ќе бидат изведувани од нивните професори по физичка култура.
Целта на проектот е инклузија на лицата со посебни потреби, кои низ спортски активности, дизајнирани според нивните можности, ќе можат да се запознаат со спортовите, правилата на игра, ќе се охрабрат да тренираат и на тој начин, ќе се јакне нивната самодоверба и можноста за развој.
Спортските активности ќе се изведуваат во просториите на училиштата и ќе бидат пример за грижа кон сите граѓани во општина Центар.
Невладината „Специјална олимпијада – Македонија“, постои од 2004-та година, а меѓународната невладина организација, во чии рамки делува и „Специјална олимпијада – Македонија“, е посветена на поттикнување и зајакнување на лицата со посебни потреби опфаќа 4,4 милиони атлети од 170 земји“, се вели во соопштението на Општина Центар.