Заеднички контроли на СВР Куманово и УЈП во кафе бар, обложувалница и автомат клуб

Од:

Полициските службеници од СВР Куманово во содејство со инспектори од Државен инспекторат при Управата за јавни приходи, во саботата спроведоа акциска контрола во кафе бар, спортска обложувалница и автомат клуб лоцирани на подрачје на општина Куманово.

Како што информира МВР, при контрола во кафе барот е затекнато лице државјанин на САД кое нема регулиран престој во Македонија. Тој е приведен во СВР Куманово и за понатамошна постапка предаден на дежурен инспектор по странци, легитимирани се вкупно 11 лица и од страна на инспекциските служби не се констатирани недостатоци.

Во спортската обложувалница на едно лице  му е изречена глоба за прекршок по основ на Закон за лични карти, на едно лице глоба за прекршок по основ на Закон за заштита од пушење, а од страна на Државен пазарен инспекторат составен е Записник и издадена е глоба од 2,000 – 4,000 евра на правно лице по Закон за заштита од пушење. Од страна УЈП по извршена контрола составен е Записник и се констатирани прекршоци казниви по член 157 став 1 точка 10 , 13 и 15 од закон за игри на среќа и при тоа е издадена глоба во висина од 15,000 евра (3 х 5,000 евра), како и глоба во висина од 30 отсто на одговорно лице во правно лице. Констатирано е дека двата компјутери што се користат во обложувалницата немаат лиценциран софтвер и се одзмени, а против правното лице и управителот на правното лице Т.К. (46 години) од Кочани поднесена е кривична пријава за „повреда на право од пријавен или заштитен пронајдок и топографија на интегрални кола“ .

При контролата на автомат клубот на 4 лица им се изречени глоби за прекршок по основ на Закон за лични карти, на 4 лица глоби за прекршок по основ на Закон за заштита од пушење а од страна на Државен пазарен инспекторат составен е Записник и издадена е глоба од 2,000 – 4,000 евра на правно лице од Закон за заштита од пушење. Од страна на УЈП по извршена контрола не се констатирани недостатоци, а констатирано дека од 3 компјутери кои што се користат во автомат клубот 1 има а за 2 компјутера во моментот не може да се утврди дали поседуваат лиценциран софтвер на за што со писмено известување ќе биде известено ОЈО Куманово.

Би можело да ве интересира

МВР: Во Прилеп уапсени се две лица поради „поткуп при избори и гласање“

МВР апелира до сите граѓани и до политичките партии, да придонесат за мирна и демократска атмосфера

Горан Наумовски

МВР со дронови ќе го надлегува гласањето в недела

Швајцарци го оставиле празниот куфер кој направи паника кај седиштето на ВМРО-ДПМНЕ

Кривична пријава за членка на Судски совет, 15 пати зела парти за превоз, а ќерка и имала стан во Скопје

Катерина Ѓуровски

МВР: Од 12 октомври нов систем за влез/излез од ЕУ, со што сè треба да се подготват патниците

Горан Наумовски