Преку СМС пораки, членовите на ВМРО-ДПМНЕ се убедувани нивните деца, деца на пријатели и роднини да не одат на денешниот средношколски протест.
„Протестот на средношколците, организиран од СДСМ, не смее да се поддржи и да биде масовен. Затоа бараме да ги разубедите сите ваши блиски, соседи, роднини и пријатели , да не ги пуштаат и да ги разубедат децата да не се појават на протестот. На сите кои ќе го прифатат ова, и нема да учествуваат на протестот, да им се вети бесплатна екскурзија. Земете и доставете податоци од сите кои сте успеале да ги разубедите да не одат на протестот“, стои во пораката која во текот на вчерашниот ден ја добиле неколку стотини членови на ВМРО-ДПМНЕ.