Сообраќајот на сите магистрални и регионални патни правци низ државата се одвива тековно во зимски услови, по влажни коловози на места со остатоци од кашаст снег.
Се уште е на сила забраната за движење на тешки товарни возила преку планинскиот превој Стража, додека забраните на патниот правец Крак-Маврово-Дебар и планински превој Ѓавато се укинати.
По клисурите и усеците можна е зачестена појава на поситни одрони, посебно на патните правци Маврово-Дебар-Струга, Демир Капија-Удово и Катланово-Велес.
Дежурните екипи на ЈП „Македонијапат“ се на терен, редовно ги контролират и одржуваат проодни сите патни правци.
Интензитетот на сообраќај на патните правци надвор од градските средини е умерен.
На граничните премини нема подолготрајни задржувања за влез и за излез од државата.