Oсновното јавно обвинителство Битола поднесе предлог за определување казнен налог против едно лице за кривично дело – непостапување според здравствените прописи за време на епидемија, информираат од Јавното обвинителство.
– Обвинетиот 32-годишник, на 24 март околу 22:00 часот бил затекнат како се движи по улица „Илинденска“ во Битола, со што не ги почитувал донесените прописи и мерки за спречување и сузбивање на коронавирусот COVID-19 и забраната за движење на населението во периодот од 21:00 до 05:00 часот, велат од обвинителството во Битола.
Надлежниот јавен обвинител му предложи на судот на обвинетиот да му изрече парична казна од 100 дневни глоби, при што вредноста на една дневна глоба да се определи на 20 евра во денарска противвредност.