На 1. јануари во земјава имаше 5.135 активни случаи на Ковид-19, веќе во првите денови од 2022 година дневните бројки на новозаразени од трицифрени колку што беа подолг период почнаа да се искачуваа над 1000, потоа брзо беше урнат рекордот на нови случаи во 24 часа, а земјава ја мина и барерата од над 2.000 нови случаи за едно деноноќие.
Со последните бројки објавени вечера, бројот на активни случаи е 19.104 што е зголемување за речиси 14 илијади во период од три седмици.
Во земјава доминира омиркон варијантата, минатата седмица здравствените власти објавија дека кај 68 проценти од испитаните примероци е регистриран овој сој.
Од почетокот на пандемијата во Македонија од последици од коронавирусот починаа 8.166 лица.