Изборот на градоначалник и членови на Советот на општина Битола се одвива без проблеми и за три часа гласале 15,9 отсто од граѓаните кои се евидентирани во Единствениот избирачки список, информираат од ОИК-Битола.
Гласањето почна навреме и се гласа на 152 избирачки места, а право на глас имаат 81.373 гласачи, истакна Зоран Насев претседател на ОИК-Битола.
Во општина Битола граѓаните имаат избор од осум кандидати за градоначалник и 9 предлог листи за членови на Советот на општина Битола.