Советот на јавни обвинители денеска го доби предлогот од Владата за разрешување на државниот јавен обвинител Марко Зврлевски.
Владата иницираше постапка за разрешување на Зврлевски поради нестручно и ненавремено извршување на највисоката јавнообвинителска функција.
Советот на јавни обвинители, треба во рок од 15 дена од добивање на решението, да достави до Владата образложено позитивно или негативно мислење, во писмена форма по предлогот за разрешување на јавниот обвинител.
Доколку Советот на јавни обвинители од оправдадни причини не го направи тоа во предвидениот рок, тогаш, според Законот, му се даваат нови 15 дена. Ако и во овој рок Советот не достави мислење, се смета дека не го поддржува предлогот на Владата.
Претседател на Советот Петре Аневски вчера рече дека Зврлевски перфектно ја извршувал функцијата.