Основното јавно обвинителство Ресен достави предлози за издавање казнени налози против шест лица заради непочитување на полицискиот час, соопштија од ОЈО Ресен.
-Обвинетите не постапиле според прописите и наредбите со кои се определуваат мерки за сузбивање или спречување заразна болест, односно според Одлуката за забрана и посебен режим на движење на територијата на Република Северна Македонија. Тие биле затекнати од полициски службеници од ОВР Ресен, како се движат пеш и со возила без притоа да поседуваат дозволи за движење, инфомираат од Обвинителство.
Со овије дејствија тие го сториле кривичното дело – Непостапување според здравствените прописи за време на епидемија, за што надлежниот јавен обвинител предложи да им бидат изречени парични казни од по 100 дневни глоби во висина од по 20 евра во денарска противвредност.