Викендот што измина на тетовското подрачје поради неносење маски за заштита од коронавирусот казни добиле 121 лице, информираат од тетовската полиција.
-Во периодот од петок до сабота до 7 часот казни се изречени за 47 лица, потоа до недела во истиот период за 44, а 30 глоби има во текот на изминатото деноноќие, според статистиката на Секторот за внатрешни работи Тетово, соопшти Марјан Јосифоски, портпарол.
На сите 121 човек изготвени им се прекршочни платни налози, согласно член 6 од соодветната владина Уредба.
-Апелираме и понатаму да се почитуваа оваа мерка како најзначајна за заштита од превенција од Ковид-19, а со тоа воедно да се избегнуваат глобите кои граѓаните треба да ги платат од по 20 евра. Потенцираме да се почитува задолжителното растојание и да не се создаваат метежи пред банките и други објекти, вели Јосифоски.