Министерството за образование и наука информира дека предлогот на деканот на Факултетот за информатички науки и компјутерско инженерство при УКИМ Димитар Трајанов за работење на високо образовните установи во земјата според студиски програми кои делумно (60-70 отсто) би биле компатибилни со програмите на најдобрите европски и светски универзитети делува прифатливо и ќе биде предмет на дополнителна анализа.
– Предлогот на деканот на Факултетот за информатички науки и компјутерско инженерство Димитар Трајанов е надополнување на првичната иницијатива на Универзитетот на Југоисточна Европа, каде работењето според програмите на најдобрите европски и светски универзитети е повеќегодишна практика, истакнуваат од МОН.