За лични документи земала пари на рака, службеничка во МВР украла 600.000 денари

Од:

Одделот за внатрешна контрола на МВР подесе кривична пријава против вработена во Отсекот за управни работи во Штип, а задолжена за Виница затоа што е осомничена дека за лични документи им земала на луѓето пари во ќеш и заработиле 600. 000 денари.

– Н.Л. во својство на службено лице кое врши работи од јавен интерес, со намера за себе да прибави противправна имотна корист, во периодот од јануари – мај 2023 година, во повеќе наврати присвоила пари доверени во службата, така што барала од граѓаните – баратели на услуги за издавање на лични документи, да ѝ дадат пари на рака при поднесување на барање за издавање патна исправа и лична карта, под изговор дека можноста за плаќање на пос – терминалот со платежна картичка во моментот не е во функција. Притоа, таа го искористувала нивното непознавање на законските прописи во МВР, а доверените пари си ги присвојувала, стекнувајќи се со противправна имотна корист од околу 600.000 денари, на штета на буџетот на РСМ, информираат од МВР.

Одделот за внатрешна контрола, криминалистички истраги и професионални стандарди ќе покрене постапка за утврдување на дисциплинска одговорност, а вработената ќе биде суспендирана од работното место до завршување на дисциплинската постапка.

Би можело да ве интересира

Пиштол пронајден во двор во основно училиште во Тетово

24-годишна Албанка загина во тешка сообраќајка кај Ласкарци

„Порше“ излета во Аеродром, повредени пет девојки

Катерина Ѓуровски

Убиена жена во кочанското село Бели, осомничен синот

34-годишна битолчанка се отрула од плин во сопствената бања

Малолетник од Охрид насилнички се однесувал во училиште, прекршочна пријава за таткото