Полицијата целосно го расветли инцидентот во дискотеката „Мистик“ во Штип, што се случи во утринските часови на 17 март и поднесе кривична пријава за осум лица осомничени дека како соизвршители сториле кривично дело „насилство“.
Портпаролот на МВР Иво Котевски на денешната прес – кноференција информираше дека вчера од страна на СВР Штип е извршен преглед на лице место и фотографирање, за што е изготвена службена документација и фотодокументација.
За случајот „Мистик“ кривична пријава е поднесена против Н.М.(1987) од Штип, Н.Д.(1989) од Штип, Ц.Љ.(1990) од Скопје, А.С.(1977) од Штип, М.А.(1988) од Штип, К.Б.(1973) од Штип, М.Л.(1975) од Штип и Д.А.(1987) од Штип.
Од страна на Секторот за внатрешна контрола и професионални стандарди, информираше Котески, ќе биде поднесена и кривична пријава против В.А. сменоводител во СВР Штип, поради основано сомнение за сторено кривично дело „злоупотреба на службената положба и овластувањата“, додека против командирот на Полициската станица Штип и тројца полициски службеници ќе биде покрената дисциплинска постапка.
