На повеќе од 700 гостиварци есенва ќе им биде овозможено да се вакцинираат против грип, информираат од епидемиолошкото одделение во Центарот за јавно здравје.
– Нарачаните дози со вакцина, очекуваме да пристигнат идната недела, по што ќе започнеме со имунизација. Оценивме дека количината што ја порачавме ќе биде доволна да ги заштитиме граѓаните од вирусот, вели прим. д-р Војислав Огњаноски.
Огњаноски подвлекува дека засега на гостиварското подрачје не е регистриран ниту еден случај на заболен од грип.
Гостивар изминатите години беше на горниот дел од листата на градови по бројот на заболени од грип. Според податоците од Институтот за јавно здравје претходната сезона околу 2.500 граѓани биле заразени од вирусот.