Се вжештува атмосферата во Kомисијата за труд и социјална политика каде на дневен ред е Законот за бранители, предложен од пратеничката група на ВМРО-ДПМНЕ.
Орхан Ибрахими од ДПА го нарече премиерот фашист.
“Овој премиер успеал до сега со неговите шовинистички идеи да воспостави во јавноста наместо вредности- невредности , наместо закони да воспоставува анархија, наместо благосостојба да воспоставува насилство, без перспективност, стагнација на евроатланските интеграции, наместо демократија да воспостави диктатура. Тој се поигрува и тоа лошо со националната карта”, рече Ибрахими.
ВМРО – ДПМНЕ вината за излагањето на Ибрахими и за атмосферата ја префрли кај претседателот на комисијата, Цветанка Иванова.
И забележаа зошто не го прекинала кога го нарекол премиерот фашист .
Веле Георгиевски рече дека Груевски е премиер на сите, а не само на ВМРО-ДПМНЕ.
Сузана Анова од ВМРО-ДПМНЕ, праша зошто не е донесен Деловник за работа на комисијата и да се ограничат дискусиите.
Цветанка Иванова одговори дека пред година ипол не ни можела да сонува дека ВМРО-ДПМНЕ ќе предложи ваков Закон за бранителите за билдање на рејтингот.
Во саботата пратениците од ВМРО-ДПМНЕ не го изгласаа предлогот дискусиите во Комисијата да се ограничат на 10 минути, и рекоа дека талат џафери има деловничко право и на дискусии и на молчење.
ДУИ побара работата на комисијата да не се совпаѓа со пленарните седници што од мнозинството не беше прифатено.