За една недела санкционирани 238 непрописно паркирани возила

Од:

Во текот на изминатата недела биле отстранети вкупно 238 непрописно паркирани возила од јавните површини, информираат од Град Скопје.

Како што се наведува во соопштението, од вкупниот број непрописно паркирани и подигнати возила, 32 се отстранети од зонските паркиралишта, а другите 206 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.

– Контролорите на зонските паркиралишта во истиот период санкционираа вкупно 369 возила, поради нерегулирано паркирање, односно за неплатена паркинг-услуга. Од нив, 32 возила се отстранети со пајак службата, поради пречекорување на дозволеното време на задржување на паркиралиштето, додаваат од таму.

Градот Скопје и јавното претпријатие „Градски паркинг“ исто така апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.

– Апелираме сите корисници на услугите за паркирање, навреме да го регулираат плаќањето за услугите, за да не бидат санкционирани и да не им биде поставен блокатор на тркалото, се додава во соопштението.

Би можело да ве интересира

Петмина државни функционери пуштаа во употреба манастирски паркинг

Жарко Настоски

За една недела санкционирани 174 непрописно паркирани возила во Општина Центар

Ана Ололовска

Изминатата недела подигнати 168 непрописно паркирани возила во Скопје

Ана Ололовска

Санкционирани 94 непрописно паркирани возила на територијата на општина Центар

Ана Ололовска

Општина Центар стави рампи кај Зелен пазар, отсега ќе наплаќа паркинг

Жарко Настоски

Паркингот на Водно во текот на викендот го искористиле 499 возила

Ана Ололовска