Повторно нова тура инспекции во општина Центар. Денеска, повторно, две трудови инспекторки, влегле и барале податоци од уредно пријавените и вработените.
Инспекторите како да се „одомаќинија“, па така нема ден , да нема инспектори.
Вработените во шега велат, за да не се мачат и да доаѓаат и заминуваат , да им се оддели една посебна канцеларија.
Во општина Центар во овој месец дена, по победата на опозицијата на локалните избори, има тројно повеќе инспектори, отколку за целиот 4-годишен мандат на Владимир Тодоровиќ.
Градоначалникот Андреј Жерновски, посочува дека општината е отворена и ќе соработува со сите, но истовремено прашува, дали со истата динамика се вршат инспекции и во другите скопски општини. Една од инспекторките, јасно призна, дека немаат налог за да вршат инспекција во други општини.