Од Министерството за внатрешни работи информираат дека стружанец од својата сестра која работи како лекар, добил лажно уверение дека неговата поранешна сопруга има психички проблеми, за да го добие старателството врз детето.
„ОВР Струга поднесе кривична пријава против Е.Ш.(61) од струшко, А.А.(23) од струшко и А.М.(28) од Струга поради постоење основи на сомнение за сторено кривични дело „издавање и употреба на невистинито лекарско уверение“.
Во текот на 2019, А.А. со цел да го добие детето во бракоразводна парница, решил да обезбеди невистинито лекарско уверение дека неговата поранешна сопруга е психички болна и ја ангажирал А.М. – негова сестра да му обезбеди лажно лекарско уверение. На 03.12.2019 година, без присуство на оштетената, која се наоѓала надвор од државата, извадила уверение кое му го предала на нејзиниот брат да го приложи како доказ во Меѓуопштински центар за социјални работи, кое го примил Е.Ш.“, велат од МВР.