За само седум минути, советниците на ВМРО-ДПМНЕ ги изгласаа спорните ДУП-ви и отворија врата за изградба на десеткатница на падините на Водно и уништување на зеленилото.
Позитивно гласаа 11 советници на ВМРО-ДПМНЕ и коалицијата а против беше претседавачот на Советот Мирослв Шиповиќ. Но токму неговото присуство и гласање, иако гласаше против, им го обезбедија кворумот на ВМРО-ДПМНЕ.
Доколку и Шиповиќ како и неговите колеги од СДСМ и коалицијата ја напуштеше салата, тогаш ВМРО-ДПМНЕ нема да можеше да го изгласа ДУП-от Тасино чешмиче 1. Тој не застана зад ставовите на неговата партија, СДСМ дека ставањето на дневен ред на овие точки е незаконско и ја штити урбаната мафија.
Не почитувајќи го редоследот на дневниот ред, Шиповиќ, без присуство на градоначалникот и на советниците од неговата партија, ја продолжи седницата, прескокнувајќи ги другите точки каде Жерновски е предлагач.
