На два пати, за само 24часа,возилото на Сашо Денесовски, главниот и одговорен уредник на порталот Охри Скај, е демолирано, објави редакцијата на порталот.
На 29-ти август, со нож биле искинати гумите на неговото возило, а следниот ден автомобилот бил повторно демолиран. Искршени се задното ветробранско стакло и дел од петтата врата. Автомобилот на Денесовски бил паркиран во дворот на неговата куќа.
Денесовски, случајот го пријавил во полиција. Од редакцијата на порталот и уредникот Сашо Денесовски апелираат до Секторот за внатрешни работи – Охрид и до МВР итно да се пронајде насилникот.