Секторот за урбанизам и просторно планирање во општина Центар работи со полна пареа. За 100 дена, во постапката за утврдување на правен статус на бесправно изградени објекти, општина Центар има издадено 150 решенија за легализација.
Донесени се 360 заклучоци за прекин на постапката, односно заклучоци за дополнување на предметите.
Граѓаните имаат рок од една година да ги комплетираат предметите со елаборати.
Секторот е отворен за сите сугестии, прашања од жителите на Центар. Маките и долгогодишнни проблеми граѓаните можат да ги изнесат на разговор со надлежните во Секторот за урбанизам и просторно планирање секој вторник и четврток, од 13-15 часот и секој вторник од 8-16 часот, со раководителот на секторот.
