Вучиќ утре ќе разговара со македонската амбасадорка во Белград

Од:

Српскиот претседател Александар Вучиќ утре ќе ја прими македонската амбасадорка во Белград Вера Јовановска Типко.

Средбата ќе се одржи во 11 часот, пренесува Танјуг.

Претседателот на македонската Влада Зоран Заев и српскиот претседател Вучиќ денеска телефонски разговараа по повлекувањето на српскиот персонал од Амбасадата во Скопје.

Македонија и Србија ќе работат на зачувување и унапредување на билатералните односи, а секое евентуално несогласување во меѓусебните односи ќе го решаваат исклучиво со дијалог, договориле Заев и Вучиќ во денешниот телефонски разговор за новонастанатата состојба во односите меѓу Скопје и Белград.

Како што се наведува во заедничкото соопштение, тие се согласиле дека Република Македонија и Република Србија, без оглед на сите политички разлики за одредени важни политички регионални прашања, заеднички ќе се борат не само за зачувување, туку и за унапредување на пријателските односи меѓу македонскиот и српскиот народ и граѓаните на двете земји.

Би можело да ве интересира

(ВИДЕО) Србија во битка со пожарите: изгореа куќи, ниви, прогласена вонредна состојба во дел од државата

Вучиќ на средба со жителите на подрачјата погодени од пожарот: Сè ќе надоместиме

Петмина повредени во невреме во Белград

(ВИДЕО) Големо невреме во Србија, бурата урива се пред себе

Трамп испрати писма, за Србија царини од 35 проценти, за Бих 30

Катерина Ѓуровски

Полиција: Нема веќе сообраќајна блокада кај Ужице, граѓаните што го блокираа патот ќе бидат законски гонети