Град Скопје информира дека во период од 08.30 до 11.30 часот, целосно ќе се затвори сообраќајната лента за десно вртење во насока од Бит Пазар кон Стоковна куќа – Илинден.
Сообраќајната лента ќе се затвори поради санирање на индуктивни јамки кои се користат за броење на возила, за потребите на ЦУКС.
Автобусите кои по својата траса ја користат десната лента, при движење од булевар „Крсте Мисирков“ кон булевар „Гоце Делчев“, во претходно посочениот период, ќе имаат изменета траса, и тоа преку булевар „Кочо Рацин“, улица „11 Октомври“, и улица „Димитрие Чуповски“, а понатаму продолжуваат по својата траса. Во обратна насока, автобусите ќе ја задржат постоечката траса.
Се молат сите учесници во сообраќајот да се придржуваат кон времено поставениот режим на сообраќај
